កាលពីពេលថ្មីៗនេះ នាយករដ្ឋមន្រ្តីខ្មែរ ហ៊ុន សែន បានធ្វើការព្យាករណ៍ថា ប្រជាជនកម្ពុជានឹងទទួលបានផលចំណូលជាង១០០០ដុល្លារក្នុងមួយឆ្នាំ នៅឆ្នាំ២០១៣ខាងមុខ។ ការព្យាករណ៍នេះ បានធ្វើឲ្យអ្នកសេដ្ឋកិច្ចក្នុងប្រទេសកម្ពុជាមួយចំនួនបន្ទរតាម ដោយថា នេះអាចជាការពិត។
វិស័យកាត់ដេរត្រូវគេចាត់ទុកថាជាវិស័យចំបងដែលធ្វើឲ្យកម្ពុជាមានកំណើនសេដ្ឋកិច្ច (រូប៖RFI)
ជាមួយគ្នាលោក អ៊ិន ចាន់នី នាយកធនាគារអេស៊ីលីដា បាននិយាយថា ការលើកឡើងរបស់នាយករដ្ឋមន្រ្តីជារឿងត្រឹមត្រូវ ព្រោះដោយសារតែប្រទេសកម្ពុជាបច្ចុប្បន្នមានការរីកចំរើនផ្នែក កសិកម្ម ផ្នែកឧស្សាហកម្មកាត់ដេរ និងការរីកចំរើនផ្នែកសេវាកម្មទេសចរណ៍ ដែលផ្នែកនីមួយៗបានរួមចំណែកមួយភាគបី នៃផលចំណូលជាតិសរុប។ ដោយបន្តថា កាលពីឆ្នាំ២០១០ ផលចំណូលជាតិសរុបរបស់កម្ពុជាមានចំនួន១១.៦០៨ពាន់លានដុល្លារ ហើយកើនដល់១២.៥៦៧ពាន់លានដុល្លារនៅឆ្នាំ២០១១ និងអាចបន្តកើនដល់១៣.៧៩៥ពាន់លានដុល្លារនៅឆ្នាំ២០១២នេះ៕
0 comments